Job 29

1 Job in a thugen zom lai a: ^a

2 “A beisa khate ngai mah si’ng, ^b
Pasian in kei hong cin lai nite ngai si’ng, ^c
3 ka lutungah a meivakte a tan lai in
khuamial sungah ama khuavakin kei ka pai hi. ^d
4 Oh, ka hun hoih pen nite lah ahi a,
Pasian tawh kinai-in ka innkuan thupha hong piak lai, ^e
5 Thahatpenpa kei tawh a omkhawm lai,
ka tate ka kimkot ah a om lai, ^f
6 ka lampi bawngnawi khalin kawt a, ^g
suangtum in kei ading olive thau hong sukkhiatsak lai hi.
7 “Khuapi kongpi ah pai-in ^h
mihon omna munah ka tut ciangin,
8 khangnote in kei hong mu in hong awn uh a, ⁱ
khanghamte na ding uh hi; ^j
9 khua sung uliante a pau kimlai khawl uh a,
a khut un a kam uh a hum uh hi; ^k
10 Mi thupite sippah dide uh a,
a leii uh a dangtung uah a belh hi.
11 Ka thugen a za peuhmah in kamkhumin za uh a,
hong mu peuhpeuh in hong phat uh hi; ^l
12 bang hang hiam cih leh ka huh ding hong ngen mizawngte ka hu a, ^m
a huh ding om lo pa nei lote ka huh hi. ⁿ
13 A sikuan mite in thupha hong pia uh a; ^o
meigongte ka lung nuamsak hi. ^p
14 Puan bangin thumaanna ka silh a, ^q
thutangna ka puantualpi le ka dial saupi ahi hi. ^r
15 Mittawte tungah mit ka hi-a, ^s
khebaite tungah khe ka hi hi. ^t
16 A tasamte tungah pa ka hi a,
ka theihloh mite thu ka vaihawmsak hi. ^u
17 Migilote ui-ha ka sutan a,
a maute’ ha panin a thuakpa ka botkhia hi. ^v
18 “‘Kei neihsa inn ah ka si dinga,
ka nuntak sung nite sehnel tang zahin a tam ding hi; ^w
19 Ka zungte in tui omna ban dinga, ^x
ka hiangte ah zan tawntung daitui a kai ding hi.
20 Ka minthanna ka sungah thaksuak den dinga, ^y
ka khut sunga thalpeu a thak tawntung ding hi,’ ci-in ka ngaihsun hi. ^z
21 “Mite in lametna tak tawh ka thugen ngai uh a,
ka kuppih ding ngakin a dai khipkhep uh hi.
22 Kei ka pau khit ciangin amaute pau nawn lo uh hi;
amaute bil ah ka thugente aw khumin a lut hi. ^aa
23 Amaute in khuapi-guah ngak bangin kei hong ngak uh a,
guah masa bangin ka thugente a dawn uh hi. ^ab
24 Nuih mai-in amaute ka et ciangin, um taktak ngam lo phial uh hi;
amaute ^{▼▼29.24 Hebrew ah hih laigual a khiatna kician lo hi.} tungah ka maitaina a manpha hi. ^ad
25 Amaute ukpi bangin ka tu a, a lampi ding uh ka telsak hi; ^ae
galkap hon laka kumpipa bangin ka teng a; ^af
a thumte a hehnempa khat ka bang hi. ^ag